Eŭropa Unio aldonis Argentinon, Kolombion kaj Peruon al sia listo de landoj sen vojaĝlimigoj
Sabato, la 30-a de oktobro 2021
Je vendredo, la 29-an de oktobro, la Konsilio de la Eŭropa Unio aldonis Argentinon, Kolombion, Peruon kaj Namibion al sia listo de epidemiologie sekuraj landoj, kio signifas, ke iliaj civitanoj povas vojaĝi al EU pro plezuro kaj ne nur pro strikte esencaj kialoj.
Malgraŭ la anonco, la EU-aj membro-ŝtatoj povas forpreni provizoran limigon por vojaĝi eĉ por vojaĝantoj, kiuj estas tute vakcinitaj el epidemiologie nesekuraj landoj. La listo de sekuraj landoj estas reviziita ĉiujn du semajnojn kaj inkluzivas: Argentinon, Aŭstralion, Barejnon, Kanadon, Ĉilion, Kolombion, Jordanion, Kuvajton, Namibion, Nov-Zelandon, Peruon, Kataron, Ruandon, Saud-Arabion, Singapuron, Sud-Koreion, Ukrainujon, Unuiĝintajn Arabajn Emirlandojn, Urugvajon kaj Ĉinujon, sed laŭ komunikaĵo el Konsilio, la ĉi-lasta dependas je konfirmo de reciprokeco.
La Konsilio rekomendis, ke la vojaĝaj limigoj ankaŭ estu iom post iom forigitaj por la ĉinaj specialaj administraj regionoj de Honkongo kaj Makao, same kiel por Tajvano. Parto de tiu ĉi rekomendaĵo inkluzivas rilatajn landojn de la eŭropa Schengen-areo de libera movado nome Islandon, Liĥtenŝtejnon, Norvegujon kaj Svislandon. Por la civitanoj de la lastaj landoj, ĉiu membro-ŝtato decidos ĉu trudi aŭ ne kvarantenon al vojaĝantoj post ilia alveno en la teritorion de la membro-ŝtato.
FontojRedakti
Ĉi tio estas plena aŭ parta traduko de la artikolo La UE añade Argentina, Colombia y Perú a su lista de países sin restricciones de viaje, el hispana Vikinovaĵoj (publikigita laŭ la permesilo Atribuite 2.5 Ĝenerala de Creative Commons).
- (hispane) Rosa Jiménez «La UE recomienda reabrir los viajes desde Argentina, Colombia y Perú» – Euraktiv, 29-10-2021
- (angle) «Ukraine remains on list of countries safe for travel in EU» – Kyiv Post, 29-10-2021
