Monacatus estas la titolo por la 17-a ekspozicio La Epokoj de la Homaro
Sabato, la 3-a de marto 2012
Hieraŭ, oni prezentis la 17-an aranĝon de la ekspozicio pri katolika arto La Epokoj de la Homaro (hispane, Las Edades del Hombre), kies elektita titolo estas Monacatus kaj ĝia sidejo estos monaĥejo de San Salvador de Oña en Oña (elparolite onja) en la hispana provinco Burgoso.
La ekspozicio okazos inter junio kaj la 4-a de novembro de 2012 kaj estos la ferma celebrado de la mila datreveno de la fondado de la monaĥejo. Ĝi enhavos ĉirkaŭ 140 religiajn artaĵojn de la kultura havaĵo de aŭtonoma komunumo Kastilio kaj Leono, kiuj en la ekspozicio estos dividitaj laŭ ses "ĉapitroj". Laŭ la aranĝantoj, la verkoj estis elektitaj ĉefe pro sia rilato al monaĥa vivo kaj ilia intenco estis selekti verkojn de la 17-a jarcento.
Por dua sinsekva jaro, la ekzpozicio okazos en nekatedrala sidejo kaj estas la dua fojo, por kiu la ekzpozicio estas aranĝita en la provinco Burgoso. La fondaĵo La Epokoj de la Homaro aranĝas ĉi tiujn ekzpoziciojn, kies temo ŝanĝiĝas ĉiujare, de 1988 kaj ili jam vizitis plurajn urbojn de ĉiuj la kastilileonaj provincoj, krom Antverpeno (Belgio) en 1995 kaj Novjorko (Usono) en 2002.
La regiona registaro de Kastilio kaj Leono, subvenciis per unu miliono da euroj la ekspozicion, kaj ĝi esperas ke kiel kutime, la ekzpozicio estos turisme aktiviga por Oña kaj por la tuta regiono.
Fontoj
- (es) «blog edades del hombre 2012» – ',
- (es) Pluraj «Las Edades del Hombre» – Wikipedia - Fondaĵo Wikimedia,
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |