UN: amasa plimulto por kondamni la rusiajn aneksadojn en Ukrainio: Malsamoj inter versioj

La rezolucio enkonduke atentigas ke la decidoj de Rusio de la 21-a de februaro ([[Rusio agnoskis sendependecon de Donecka kaj Luganska Popolaj Respublikoj|agnosko de la sendependeco]] de {{w|DPR}} kaj {{w|LPR}}) kaj de la 29-a de septembro ([[Rusio aligis kvar novajn regionojn|enkorpigo de la ukrainiaj regionoj]] {{w|Ĥersona provinco}}, {{w|Zaporiĵa provinco‎}}, {{w|Donecka provinco}} kaj {{w|Luganska provinco}}) estas perforto de suvereneco kaj teritoria integreco de Ukrainio kaj malobservo de la {{w|Ĉarto de la Unuiĝintaj Nacioj}}. Ĝi poste deklaras: ''"La kontraŭleĝaj agoj de la Rusia Federacio koncerne la tiel nomitajn kontraŭleĝajn referendumojn okazigitajn de la 23-a ĝis la 27-a de septembro 2022 en partoj de la Donecka, Ĥersona, Luhanska kaj Zaporiĵa ukrainiaj regionoj kiuj estas aŭ estis parte sub la provizora armea kontrolado de la Rusia Federacio kaj la provo de kontraŭleĝa aneksado de tiuj areoj kiuj sekvis, havas neniun validecon laŭ la internacia juro kaj ne povas funkcii kiel bazo por iu ŝanĝo de la statuso de tiuj regionoj de Ukrainio"''. Ĝi alvokas ''"ĉiujn ŝtatojn, internaciajn organizaĵojn kaj specialajn instituciojn de Unuiĝintaj Nacioj ne agnoski ajnajn ŝanĝojn fare de la Rusia Federacio de la statuso de tuto aŭ parto de la Donecka, Ĥersona, Luhanska kaj Zaporiĵa ukrainiaj regionoj kaj sin deteni pri ajna ago aŭ rilato interpreteblaj kiel agnosko de tia ŝanĝo de statuso"''. Ĝi postulas ke Rusio ''"nuligu senprokraste kaj senkondiĉe"'' siajn decidojn de la 21-a de februaro kaj 29-a de septembro, kaj ke ĝi ''"retiru tuje, komplete, kaj senkondiĉe ĉiujn siajn militajn fortojn el Ukrainio laŭ la internacie agnoskitaj landlimoj de ĉi tiu lando."''