Bicikle al Nord-Koreio: Malsamoj inter versioj

 

La urbo {{w|Tumen (Jilin)|Tumen|fr}} (france) en Ĉinio simpligis la procedurojn por vojaĝi al Korea Popoldemokratia Respubliko (Nord-Koreio). Interesatoj povas akiri paspermesojn en nur unu tago. Antaŭe oni bezonis du semajnojn por akiri paspermeson el landlimaj urboj en la provincoj Ĝilino kaj Liaŭningo por vojaĝi al Nord-Koreio.

Nun, kun pasporto kaj identiga karto, turistoj povas eniri la landon ene de 24 horoj. Ankaŭ aŭtomobila stirpermesilo estas postulata por aŭtovojaĝantoj. La servo estas disponebla nur per turismaj agentejoj por grupaj turistoj.

Komence de majo biciklista grupo el Ĉinio vizitis Nord-Koreion. La grupo de 35 ĉinaj vojaĝantoj ekiris el Tumen kaj faris tri-horan bicikladon en la urbo Nanyo. Ili vizitis la lokan fervojan stacion kaj statuon de Kim Il-sung, kaj gustumis lokajn manĝaĵetojn sur la komerca strato en {{w| Namyang|Nanyo|fr}} (france).

== Havenurbo ==

[[Dosiero:Namyang overview.jpg|eta|maldekstre|<center>Ponto super la Tumen-rivero.<br />Bildo de Nanyo (Nord-Koreujo) ekde Tumeno (Ĉinujo).</center>]]Tumeno estas grava fervoja arterio por la orienta provinco Ĝilino, kun trajnoj destinitaj por {{w|Ĝilino|Ĝilinurbo}}, kaj por la urboj {{w|Ĉangĉuno}}, {{w|Ŝenjango}} kaj {{w|Pekino}}. Ĝi estas ankaŭ la plej granda havenurbo en Ĝilino. La {{w|Tumen-rivera ponto}}, administrata de Ĉinio kaj Nord-Koreio, estas la limtransirejo.

La nombro de la ĉinaj turistoj al Nord-Koreio rapide kreskis lastatempe. La turista trajno inter Tumeno kaj Chilbo-Monto en Nord-Koreio estis denove malfermita fine de aprilo. La itinero funkciis por unu jaro en 2012 kaj estis suspendita por renovigo. Nun trajno veturas unu fojon semajne dum turismaj sezonoj. La vojaĝo daŭras tri tagojn kaj kvar noktojn kaj kostas 19 000 juanojn (310 usonajn dolarojn).{{-}}

== Agentejo ==

Laŭ Zhang Weidong, kiu administras la turisman agentejon respondecan pri la trajno, en 2012 pli ol 2000 ĉinaj turistoj vizitis Nord-Koreion, kaj tiu nombro kreskos probable ĝis 7000 en la kuranta jaro.

Krome prognozis You Zejun, la direktoro de la turisma buroo de {{w|Dandong|Dandongo}}: „En junio ĉinoj povos aŭte vojaĝi al Nord-Koreio tra Dandongo, havenurbo en Liaŭningo.”

Aldonis fotografisto de pekina vojaĝagentejo: „Nord-Koreio estas mistera celloko por multaj vojaĝantoj. Simpligo de la proceduroj por paspermeso kaj pli da transportaj elektoj certe altiros pli da homoj. Estus bonege, se la lando malfermus sian pordon al individuaj vojaĝantoj.”

Tamen, ĉiuj itineroj estos strikte monitorataj kaj aprobitaj de lokaj aŭtoritatoj, kaj vojaĝo tra la tuta lando estas verŝajne nepermesebla.