Tertremo de magnitudo 5,5 forte skuas la regionojn de Kanto kaj Honŝu en Japanio
Lundo, la 11-a de novembro 2013
 |
|
Pli pri Azio |
Forta tertremo de magnitudo 5,5 skuis la regionojn de Kanto kaj Honŝuo ĉi-dimanĉe matene sen damaĝoj aŭ afektitaj personoj ankoraŭ registrataj. Laŭ la Meteologia Agentejo la tertremo sentiĝis forte en Tokio.
La tertremo okazis je la 7:38 atm (japana horo) kaj la epicentro estis en la gubernio de Ibaraki laŭ la informo de la Meteologia Agentejo. La kanaloj de televido kaj radio diselsendis fruan averton ĉirkaŭ la epicentra areo.
Laŭ atestantoj, la tertremo daŭris 10 sekundojn. Registriĝis magnitudoj de ĝis 5 laŭ la Shindo-a skalo, 7-grada skalo kiu mezuras la terskuadon. Ne estis alarmo pri cunamo ĉar la tertremo okazis enlande. La raportaĵo mezuras la profundecon de la tertremo je 70 kilometroj.
La tertremo okazis pro la kolizio de la Pacifika kaj Eŭroazia terpecoj.
Mezuroj
La Shindo-a skalo havas ĝis 7 gradojn, ekde la 5-a grado aperas onaj gradoj, kiuj estas 5-, 5+, 6-, 6+ kaj 7. Oni nur montras la mezurojn pli grandajn ol 3.
| Shindo | Regiono |
|---|---|
| 5- | Suda parto de la gubernio de Ibaraki |
| 4 | Gubernio Toĉigi, Gubernio Sajtama, Gubernio Ĉiba, Tokio. |
| 3 | Fukuŝima-Nakadori, norda parto de la gubernio de Ibaraki, norda parto de la gubernio de Toĉigi, norda kaj centra parto de la gubernio de Gunma, nordorienta kaj centra parto de la gubernio de Ĉiba, Gubernio de Kanagaŭa |
Fontoj
Ĉi tio estas plena aŭ parta traduko de la artikolo Sismo de magnitud 5,5 sacude con fuerza regiones de Kanto y Honshu en Japón, el hispana Vikinovaĵoj (publikigita laŭ la permesilo Atribuite 2.5 Ĝenerala de Creative Commons).
- (ja) «茨城県で震度５弱» – NHK, 9-a de novembro 2013
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |