Aŭstraliaj fajregoj ŝuldiĝas ne nur al klimata ŝanĝiĝo
Vendredo, la 10-a de januaro 2020
La proparolanto de la Monda Organizaĵo pri Meteologio, Clare Nullis, diras ke nature okazanta klimata varieco ludas rolon en la senprecedencaj arbustofajregoj kiuj mortigis pli ol 22 homojn, detruis centojn da domoj, bruligis vastajn terpecojn kaj okazigis grandegan detruon al bestoj, ekosistemoj kaj la medio.
Ankaŭ ekzistas klimata fenomeno, nome la hinda oceana dupoluso, kiu estis fortega pasintjare. «Ĝi estigas pli sekan someron en Aŭstralio», diris s-ino Nullis. «Ĝi faras Okcidentan Afrikon pli malsekan, tial ni vidis inundojn en Orienta Afriko. Do, unuflanke oni havas la naturan variecon de la klimato. Aliflanke la klimatŝanĝo (aŭ tutmonda varmiĝo) ludas rolon pri kiu oni ne rajtas dubi.»
Alia faktoro estas medioprotektaj leĝoj kiuj malpermesas dehaki arbojn eĉ por fari kontraŭfajrajn striojn. Homoj kaj firmaoj suferas monpunojn provante protekti konstruaĵojn per senveprigo kaj forigado de proksimaj brulaĵoj.
«Dum la pasintaj 20 jaroj, oni bruligis malpli ol unu elcenton de niaj bruliĝemaj arbustoteroj», diris fajrobrigadista estro Brian Williams. «Tio signifas ke la kvanto da brulaĵo daŭre pliiĝas.»
Lastatempe ankaŭ temis pri krimuloj intence ekbruligintaj fajrojn. Tamen ne klaras ĉu la supozataj brulkrimoj efektive estigis arbustofajrojn. Iuj asertas ke temas pri dekstremaj konspiraj teorioj.
Fontoj
([[Lingvo angle|angle]]) Josh Butler «Separating Fact From Fiction: A Breakdown Of The Small Role Arson Played This Bushfire Season» – 10 Daily, 09-01-2020 (arkivita [ ]) ([[Lingvo angle|angle]]) Lisa Schlein «Australians Should Brace for Protracted Summer of Catastrophic Fires» – VOA, 08-01-2020 (arkivita [ ]) ([[Lingvo angle|angle]]) Tim Blair «Fight fire with fire: controlled burning could have protected Australia» – The Spectator, 11-01-2020 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |