En Moskvo brulegis kaj surfundiĝis motorŝipo «Sergej Abramov»
Moskvo, Rusio, la 15-a de novembro 2011
Lunde la 14‐an de Novembro, post la 4-a frumatene, apud la Norda Rivera Haveno je la Ĥimkia baraĵlago en Moskvo komenciĝis brulego en triferdeka pasaĝera riverŝipo «Sergej Abramov», kiu pli frue tiunokte estis albordigita por vintra restado.
Dumtage malantaŭa parto de la ŝipo surfundiĝis (la profundo tie estas 4 metroj), kaj la antaŭa forbrulis.
Ĉe la brulkomenco sur la ŝipo estis 21 persono. Pereis motoristo, almenaŭ tri aliaj homoj (inkluzive de direktilisto kaj fajroestingisto) vundiĝis aŭ veneniĝis.
La motorŝipo de projekto 26-37, konstruita en Ĉeĥoslovakio en la jaro 1960-a, apartenas al la societo «Цезарь-трэвел» (Cezar-travel). Kiel eblajn kaŭzojn de la brulego oni konsideras elektrakablan problemon kaj nesingardan trakton de fajro. Laŭ Igorj Kurjakov (anstataŭulo de estro de Ministerio pri eksterordinaraj situacioj), la ŝipo enhavis multe da brulemaj materialoj, ekzemple tapiŝojn, kaj havis multe da truoj (ventolaj aŭ similaj), kiuj helpis al fajro disvastiĝi al pli supraj ferdekoj.
Fontoj
(ruse) «Моторист сгоревшего в Москве судна мог остаться в закрытой каюте» – [[Lenta.ru]], 2011-11-14 22:01:35 (arkivita [ ]) [[Kategorio:Artikoloj kun informo de Lenta.ru]] (ruse) «В Москве сгорел дотла теплоход "Сергей Абрамов"» – Первый канал, 2011-11-14 21:00 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |