Fama opoziciulo Boris Nemcov estis pafmurdita en Moskvo

Vendredo, la 27-a de februaro 2015

Boris Nemcov dum la Marŝo por paco kaj libereco. Moskvo. La 15-a de marto 2013.

La fama rusia opoziciulo Boris Nemcov estis pafmurdita je 23:15 (moskva tempo) la 27-an de februaro 2015 sur la Granda Moskvorivera ponto en Moskvo.

Li promenis post vespermanĝo en Ŝtata ĉiovendejo kaj iris direkte al sia loĝejo en strato Malaja Ordinka kun sia amikino, ukraina modelino Anna Durickaja. Nekonatoj sepfoje pafis el blanka aŭto Ford Focus aŭ Ford Mondeo al dorso de Boris Nemcov kaj kvar kugloj trafis lin. Li estis vundita ĉe la kapo, koro, hepato kaj stomako, kaj mortis surloke.

Krimuloj forveturis. Polico komencis serĉoperacon. Oni jam identigis aŭtokodon de la aŭto. Prezidanto Vladimir Putin esprimis kondolencojn al la familio de la politikisto kaj prenis la enketadon sub personan kontrolon.

La murdo okazis nur du tagojn antaŭ la opozicia kontraŭkriza marŝo “Printempo”, okazonta la 1-an de marto.

Fontoj

([[Lingvo ruse|ruse]])  «Источник: в Москве убит Борис Немцов» – [[Kommersant]], 2015-02-28 (arkivita [ ]) [[Kategorio:Artikoloj kun informo de Kommersant]] ([[Lingvo ruse|ruse]])  «Источник: Свидетельницей убийства Немцова стала известная модель из Украины Анна Дурицкая» – REN-TV, 2015-02-28 (arkivita [ ]) ([[Lingvo ruse|ruse]])  «Стрелявшие в Немцова скрылись на белом Ford Focus или Ford Mondeo» – Gazeta.ru, 2015-02-28 (arkivita [ ]) ([[Lingvo ruse|ruse]])  «В Москве убит Борис Немцов» – Interfax, 2015-02-28 (arkivita [ ]) ([[Lingvo ruse|ruse]])  «Борис Немцов погиб от пули, попавшей в сердце» – LifeNews, 2015-02-28 (arkivita [ ])

Vi povas disvastigi ĉi-tiun artikolon per Interkonaj retejoj

Ĉu vi havas opinion pri temo de la artikolo? Esprimu ĝin!

Serva informo pri ci-tiu paĝo:   • Mallonga ligilo • • Informo pri ĉi-paĝo