Franca eksprezidanto Sarkozy akuzita pri asocio de krimuloj

Vendredo, la 16-a de oktobro 2020

Nicolas Sarkozy estis oficiale akuzita, fare de du juĝistoj, post kvar tagoj da pridemandado pri "starigo de asocio celanta efektivigi krimon", du jarojn post aliaj akuzoj pri korupto kaj pri kontraŭleĝa financado de balotkampanjo en la sama afero. Li riskas dek jarojn da enprizonigo nur por tiu lasta akuzo.

Unuafoje en la historio de Francio eks-prezidanto estas tiel akuzita.

Fakte la juĝistoj celas la akiron de mono de la diktatoro de Libio, Kaddafi, interŝanĝe de diplomata helpo kaj forigo de justica akuzo kontraŭ la ĉefo de la libiaj sekretservoj kaj bofrato de Muamar Kaddafi, S-ro Abdullah Senussi, respondeca pri la terorista atenco kiu mortigis la 170 pasaĝerojn de franca aviadilo en 1989.

La juĝistoj asertas, ke ili havas sufiĉe "gravajn kaj kongruajn indicojn" por akuzi la eks-prezidanton kaj aliajn komplicojn.

Sume eks-prezidanto Sarkozy nun havas kvar akuzojn en tiu afero. Li estas ankaŭ akuzita pri korupto en du aliaj aferoj.

Eks-prezidanto Nicolas Sarkozy anoncis sian "mirkonsternon" kaj reasertis sian kompletan senkulpecon.

Fontoj

(franca) «Finacement lybien de sa campagne présidentielle de 2017, Nicolas Sarkozy mis en examen pour association de malfaiteurs.» – Le Monde, 16-10-2020 (arkivita [ ]) (franca) Agence France Presse (AFP) «Financement lybien: l'ex-président français Nicolas Sarkozy inculpé pour association de malfaiteur» – Mediapart, 16-10-2020 (arkivita [ ])

Vi povas disvastigi ĉi-tiun artikolon per Interkonaj retejoj

Ĉu vi havas opinion pri temo de la artikolo? Esprimu ĝin!

Serva informo pri ci-tiu paĝo: • Mallonga ligilo • renovigi ĉi-paĝon • Informo pri ĉi-paĝo

Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu.
Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn.
Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo.