Libera programo por restarigi dosierojn densigitajn per RARv3

Merkredo, la 11-a de majo 2011

«Free Software Foundation» anoncis, ke aperis libera programaro por ekstrakti dosierojn el arkivoj kreitaj per versioj 3.x de la mallibera densignilo «RAR», inkluzive de ĉifritaj kaj plurvolumaj. Tio estas «The Unarchiver» («La elarkivigilo») farita de Dag Ågren.

La programoj «lsar» (listigilo) kaj «unar» (eligilo) estas disponigataj laŭ la permesilo «GNU LGPL», kaj povas funkcii almenaŭ per «Mac OS X», GNU-Linukso kaj Vindozo.

Antaŭe ekzistis plene liberaj elarkivigiloj nur por pli malnova densigmetodo RAR 2.0. La oficiala eligilo por la metodo uzata ekde versio 3.0, «UnRAR», kiun uzas ekzemple 7-Zip, havas unu malliberigan kondiĉon, malpermesantan rekreon de la densigmetodo de RAR, t.e. kreon de densigiloj kun tia metodo.

Fontoj

(angle) Brett Smith «Another High Priority Project done: The Unarchiver provides free RARv3 extraction tools» – Free Software Foundation, 10-a de majo 2011, 16:16 ? (arkivita [ ])

Ligiloj

Vi povas disvastigi ĉi-tiun artikolon per Interkonaj retejoj

Ĉu vi havas opinion pri temo de la artikolo? Esprimu ĝin!

Serva informo pri ci-tiu paĝo:

• Mallonga ligilo • renovigi ĉi-paĝon • Informo pri ĉi-paĝo

Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu.
Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn.
Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo.