Miloš Zeman restas prezidento de Ĉeĥio
Sabato, la 27-a de januaro 2018
En dua rondo de rekta elekto de prezidento en Ĉeĥio venkis ĝia nuntempa prezidento Miloš Zeman kun 51,36 % da voĉoj. Lia kontraŭkandidato, Jiří Drahoš, ricevis 48,63 % da voĉoj.
| Vicordo | Kandidato | Nombro da voĉoj | Nombro da voĉoj en % | Ordo laŭ voĉoj |
|---|---|---|---|---|
| 7 | Miloš Zeman | 2 853 390 | 51,36 % | 1. |
| 9 | Jiří Drahoš | 2 701 206 | 48,63 % | 2. |
Miloš Zeman estis prezidanto de Ĉeĥia Socialdemokrata Partio ekde 1993 ĝis 2001 kaj estis ankaŭ ĉefministro de Ĉeĥio inter 1998 kaj 2002. Por posteno de prezidento de Ĉeĥio li jam kandidatiĝis en 2003, sed venkis en la elekto post 10 jaroj, la unua kiam prezidenton elektis civitanoj mem. Certaj agoj kaj diroj dum lia prezidenteco kaŭzis plurajn disputojn kaj inter politikistoj kaj en ĝenerala socio.
Jiří Drahoš estas longtempa sciencisto en Ĉeĥoslovakia kaj poste en Ĉeĥia Akademio de la Sciencoj. En 2008 li estis elektita kiel prezidanto de Akademio de la Sciencoj de Ĉeĥio, kiun li gvidis ĝis marto 2017. Je la 28-a de marto 2017 li anoncis sian intencon kandidatiĝi por posteno de prezidento de Ĉeĥio.
Fontoj
redakti(cs) ČTK «Volba prezidenta skončila; je jím opět Zeman» – ČTK, 2018-01-27 (arkivita [ ]) (en) «Zeman wins Czech presidential election» – Euronews, 2018-01-27 (arkivita [ ]) (de) «Amtsinhaber Zeman bleibt Präsident» – SRF, 2018-01-27 (arkivita [ ])
Eksteraj ligiloj
redakti
|
Vi povas disvastigi ĉi-tiun artikolon per Interkonaj retejoj |
|
|
|
|
