Mortis esperantistino Christvit Ngongo Mbuangi
Merkredo, la 1-a de majo 2024
La 30-an de aprilo 2024 en Kinŝaso mortis esperantistino el DR Kongo sinjorino Christvit Ngongo Mbuangi.
Christvit naskiĝis la 3-an de majo 2001 en familio de aktiva esperantistino, gajninto de la UEA-Premio pro Elstara Laboro, Alexandrine Omba Tshamena.
Christvit aliĝis al la movado en junaĝo kaj iĝis membro de UEA en 2021. Ŝi estis studentino kaj samtempe ŝi partoprenis Esperanto-movadon kaj aktivis en Demokratia Kongolanda Esperantista Junulara Organizo. Pro sia aktiveco Christvit fariĝis konata inter esperantistoj ne nur en DR Kongo, sed ankaŭ en la tuta kontinento.
Christvit Ngongo Mbuangi planis partopreni UK 2024 en Aruŝo.
Redakcio de retejo «Esperanto en Afriko» esprimis siajn sentojn per jenaj vortoj:
|
Ŝi estis unu el la kreskantaj esperantistaj steloj de la nacia movado. |  — '
|
Fontoj
redakti- «Forpasis Christvit Ngongo Mbuangi (03.05.2001– 30.04.2024)» – Esperanto en Afriko, 01-05-2024 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
