Novelektita prezidanto Joe Biden nomumas indiĝenan ministron

Vendredo, la 18-a de decembro 2020

La novelektita prezidanto de Usono, Joe Biden, nomumis kiel ministron pri enlandaj aferoj Deb Haaland.

Filino de norvegdevena patro kaj indiana patrino ŝi estas oficiale listigita, kiel membro de la popolo Pueblo Laguna loĝanta en la ŝtato Nov-Meksiko ekde la 13-a jarcento.

Se ŝia nomumo estos konfirmita de la Usona Senato, ŝi iĝos la unua ministro de indiĝena deveno en la historio de Usono. En sia posteno ŝi interalie regos la naturajn parkojn kaj indianajn rezervejojn de Usono. Ŝi ankaŭ havos ĉefan rolon en la lukto kontraŭ la klimata ŝanĝiĝo.

Jam en 2018 ŝi iĝis la unua indiĝena deputito en la Ĉambro de Reprezentantoj, la usona parlamento, kaj faris sian ĵuron en tradicia vestaĵo de sia popolo.

Fontoj

(fr) AFP «Biden présente son équipe climat et nomme la première ministre amérindienne» – Mediapart, 18-12-2020 (arkivita [ ]) (en) Lauren Gambino «Biden picks Deb Haaland as first Native American interior secretary» – The Guardian, 18-12-2020 (arkivita [ ])

Vi povas disvastigi ĉi-tiun artikolon per Interkonaj retejoj

Ĉu vi havas opinion pri temo de la artikolo? Esprimu ĝin!

Serva informo pri ci-tiu paĝo: • Mallonga ligilo • renovigi ĉi-paĝon • Informo pri ĉi-paĝo

Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu.
Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn.
Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo.