Helpo:Vikinovaĵoj bezonas vin

Enhavo de la Helpo

Bonvenon ĉiuj al Vikinovaĵoj, la libera fonto de aktualaĵoj verkita de vi! Ĉio legebla ĉi tie estas verkita de individuoj ja kiel vi. Vi povas redakti ĉiun artikolon — ripari mistajpaĵojn, interpunkciadon, aŭ gramatikon, korekti erarojn aŭ plue pligrandigi la artikolon!

Kio estas artikoloj en Vikinovaĵoj

Unue kaj ĉefe, artikoloj de Vikinovaĵoj estas verkataj de neŭtrala vidpunkto kaj ne enhavas opinion aŭ komentaron. Se vi volas opinii al la mondo pri aktualaĵo, bonvolu blogverki.

Estas du ĉefaj tipoj de artikoloj:

• Sintezitaj artikoloj — artikoloj verkitaj uzante informon de aliaj retdisponeblaj aktualaĵaj fontoj. Kion ĝi donas, kion oni ne povas legi en aliaj novaĵ-kolektaj servoj kiel Google-novaĵoj? Simple, ni povas kombini ĉiujn faktojn disponeblaj de ĉiuj fontoj pri evento en unuopa artikolo por la oportuno de la leganto, kaj povas prezenti la informon el neŭtrala vidpunkto — evitante la partiecon eble ekzistantan en aliaj novaĵfontoj. Plue, ni ĉiam citas niajn fontojn, do vi povas kontroli nian laboron. Necesas nur, ke la sintezitaj aŭ tradukitaj artikoloj estu konformaj al la libera permesilo de la projekto.

• Originala raportado — ĵurnalismo de Vikinovaĵaj kontribuantoj mem. Vi mem povas verki la novaĵojn provizante realan perspektivon de novaĵo-evento. Ni nur petas, ke vi skribu detalajn notojn kaj prezentu ilin kun via artikolo por subteni vian verkon.

Ĉiuj artikoloj estas kunlaboraĵoj. Neniu sola persono estas «la aŭtoro», kaj ĉiu estas libera redakti ĉiun artikolon, se la ŝanĝoj ne kontraŭas niajn gvidliniojn.

Kion ni volas de VI!

Ni volas ke vi verku artikoloj por Vikinovaĵoj pri temoj kiuj:

• Interesas vin. Se ĝi interesas vin, ĝi interesas multajn aliajn homojn!
• Laŭ via opinio, estas tro malkonataj en aliaj novaĵo-fontoj. Ĉu vi priscias aferon, kiu estas forgesita aŭ ĝenerale ne ricevas sufiĉan disvastigon en aliaj novaĵo-fontoj? Nu, disvastigu ĝin!
• Gravas al vi. La novaĵo-artikolo verkota povas temi pri mondgrava evento aŭ kio okazas en via hejma urbo — grandeco ne gravas!

Sed ni ankaŭ volas, ke vi redaktu kaj pligrandigu aliajn artikolojn trovitajn ĉi tie. Malsame al aliaj novaĵo-fontoj, kiam vi vidas mistajpaĵon aŭ io sciata kiel malvera, vi povas ripari ĝin!

Kopirajto

La artikoloj de Vikinovaĵoj estas liberaj verkoj, kaj devas esti konformaj al libera permesilo. La permesilo estas CC BY 2.5 — KK «Atribuite» 2.5. Notu, ke artikoloj kreitaj kiam Vikinovaĵoj estis en la Kovilo, t.e. ĝis la 13-a de Novembro 2010, uzas la permesilon CC BY-SA 3.0 — Kre-Komunaĵa permesilo «Atribuite-Samkondiĉe», versio 3.0.

Ne kopiu tekston el aliaj retpaĝaroj aŭ gazetoj, eĉ se vi tradukus ĝin. Mallongaj citaĵoj (kiel diroj) estas permesataj. Ĝenerale, klopodu ke via artikolo ne estu strukture simila al la informfonta, kaj ne konsistu pliparte el la samaj frazoj.

Fojfoje tamen eblas kopii aŭ traduki tekston el alia verko, ĉar tiu verko estas mem sub libera permesilo kongrua kun tiu de Vikinovaĵoj. Ekzemple, ĉar alilingvaj Vikinovaĵoj ankaŭ uzas la permesilon CC BY 2.5, vi povas uzi ties artikolojn. Certiĝu tamen, ke la fonto ne eraris pri aŭtorrajta situacio de la teksto aŭ pri io alia.

Eĉ se la permesilo de la fonto ne postulas atribuon, bonvolu laŭeble mencii la fonton.

Kiel publikigi en la ĉefpaĝo

Kiam vi opinias vian artikolon sufiĉe kompleta kaj neŭtrala, vi povas publikigi ĝin en la ĉefpaĝo. Por tio:

1. Redaktu la paĝojn Ŝablono:Ĉefpaĝo:Ĉefnovaĵo 1 Ŝablono:Ĉefpaĝo:Ĉefnovaĵo 2 Ŝablono:Ĉefpaĝo:Ĉefnovaĵo 3 Ŝablono:Ĉefpaĝo:Ĉefnovaĵo 4 Ŝablono:Ĉefpaĝo:Ĉefnovaĵo 5 (por tio en la Ĉefpaĝo estas specialaj ligiloj),
   1. movante unu malsupran artikolon (aŭ malgravan proksiman al malsupro) de la unua paĝo al la dua, la dua al la tria, ktp.
   2. same de la fina paĝo al la jara arĥivo,
   3. aldonante vian artikolon al la supro de la Unua paĝo.
2. Aldonu en la artikolon ie super la listo de kategorioj la ŝablonon {{Publikigita}}.

Cetere

• Ni rekomendas ke vi kreu konton por uzo en Vikinovaĵoj, por ke viaj redaktoj kaj artikoloj povu esti atribuataj al vi.
• Por diskuti aferojn, uzu la Diskutejon.