Eksa Panama ambasadoro ĉe OAŜ certigas ke Nicolás Maduro estas kolombiano
Mardo, la 30-a de julio 2013
|
 |
Guillermo Cochez, eksa ambasadoro de Panamo ĉe Organizaĵo de Amerikaj Ŝtatoj, certigis al televid-ĵurnalo NTN24 ke la nuna Venezuela prezidanto, Nicolás Maduro, ne estas el Venezuelo denaske, sed el Kolombio. La naskiĝa atestilo kiun montris Cochez diras ke Maduro naskiĝis en Cúcuta, Kolombio.
La dokumento ankaŭ certigas ke Maduro naskiĝis la 20-an de novembro 1961 kaj estis registrata fare de siaj gepatroj Teresa de Jesús Moros kaj Nicolás Maduro García. Maduro ade certigis publike antaŭe ke lia naskiĝo okazis la 23-an de novembro 1962.
Cochez certigis ke se konfirmiĝas la praveco de la kolombia naskiĝa atestilo de Maduro, la nuna prezidanto devos esti eksigita kaj enkarcerigita pro "uzurpi postenon kiu apartenas nur al laŭnaske venezuelano" laŭ la Venezuela konstitucio. Tamen, NTN 24 certigis ke la dokumento estas falsa ĉar mankas la subskribo oficiala kaj ne estas aŭtentigita ĉe la Registrejo de Cúçuta.
Fontoj
Ĉi tio estas plena aŭ parta traduko de la artikolo Un exembajador de Panamá en la OEA afirma que Nicolás Maduro es colombiano, el hispana Vikinovaĵoj (publikigita laŭ la permesilo Atribuite 2.5 Ĝenerala de Creative Commons).
- (es) «Nicolás Maduro sería colombiano» – Perú21, 29-a de julio 2013 (arkivita [ ])
- (es) Mariano Castillo «Opositores a Nicolás Maduro piden pruebas de su nacionalidad» – CNN México, 29-a de julio 2013 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |