En Ukrainio estis abrogaciita la Leĝo pri la ŝtata lingvopolitiko
Dimanĉo, la 23-a de februaro 2014
|
 |
En Ukrainio estis abrogaciita la "Leĝo pri la fundamentoj de la ŝtata lingvopolitiko" № 5029-VI, kiu permesis doni la oficialan statuson al la rusa kaj aliaj minoritataj lingvoj. Por tio voĉdonis 232 el 450 deputitoj de la Verĥovna Rada, parlamento de Ukrainio.
La decidon subtenis plejparto de la deputitoj de la opoziciaj frakcioj "Batkivŝĉina" kaj la "Ukraina Demokratia Alianco por Reformoj", kaj ĉiuj deputitoj de la naciisma frakcio «Svoboda».
La leĝo estis aprobita en 2012 laŭ la iniciato de la reganta Partio de Regionoj, antaŭ la parlamenta balotado. Laŭ ĝi en regionoj, kie alia (ne ŝtata) lingvo estas la gepatra por almenaŭ 10 % de la loĝantaro, ĝi ricevu la regionan statuson. Interalie tio ebligas la uzadon de tiu lingvo en proceduroj kaj komunikado de lokaj institucioj kun civitanoj. Krome unuafoje la rusina lingvo estis agnoskita aparta lingvo, ne nura dialekto kiel antaŭe.
Post la aprobo la rusa lingvo oficiale ricevis la regionan statuson en 13 el 27 unuarangaj administraj unuoj de Ukrainio (Odesa, Donecka, Dnipropetrovska, Ĥarkiva provincoj kaj aliaj). En kelkaj loĝlokoj tiun statuson gajnis la hungara, krime-tatara kaj rumana lingvoj. En kelkaj regionoj (Ternopila kaj Lviva provincoj) lokaj aŭtoritatoj rifuzis plenumi la leĝon. La opozicio protestis kontraŭ la leĝo, ĉar ĝi konsideris tiun leĝon minaco al la ŝtata (ukraina) lingvo kaj promesis abrogacii ĝin kaze de akiro de la potenco. Fine de 2012 laŭ la iniciato de Vjaĉeslav Kirilenko, deputito de la opozicia frakcio "Batkivŝĉina" estis registrita la leĝoprojekto pri nuligo de la lingva reformo.
Post la venko de la opoziciaj fortoj de Eŭromajdano parto de la deputitoj de la Partio de Regionoj transiris al la opozicio, do tiu akiris la parlamentan plimulton kun pli ol 300 voĉoj.
Fontoj
(ukraine) «Верховна Рада України ухвалила Закон "Про визнання таким, що втратив чинність, Закону України "Про засади державної мовної політики"» – [[Verĥovna Rada]], 2014-02-23 (arkivita [ ]) [[Kategorio:Artikoloj kun informo de Verĥovna Rada]] (ruse) «На Украине отменили закон о региональном статусе русского языка» – [[Lenta.ru]], 2014-02-23 (arkivita [ ]) [[Kategorio:Artikoloj kun informo de Lenta.ru]] (ruse) «Рада лишила русский язык статуса регионального на Украине» – [[Forbes]], 2014-02-23 (arkivita [ ]) [[Kategorio:Artikoloj kun informo de Forbes]]
|
Vi povas disvastigi ĉi-tiun artikolon per Interkonaj retejoj |
|
|
|
|
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |