Martina Iori gajnis la muzikkonkurson Liet Internacia 2014
Sabato, la 20-a de decembro 2014
Per la kanto Via con mia mùsega en la ladina lingvo, la sudtirolanino Martina Iori gajnis la 10-an Liet Internacian, okazigita en Oldenburgo, Germanio.
La 19-aĝa muzikistino, el Val di Fassa norde de Italio, ludis la gitaron kaj estis akompanata de du muzikistoj en la basgitaro kaj drumo. Ŝi gajnis ankaŭ antaŭ kvar semajnojn la konkurson SUNS pri regionalaj kaj minoritataj lingvoj de Italio, Aŭstrio kaj Svislando per la sama kanto, kiu temas pri iri al Luno kaj kunporti la ununuran aferon kiu vere gravas, la muzikon.
La juĝistoj estis el la 10 konkurantaj regionoj. Laŭ ili la ĉi-jara konkurso havis tre altan kvaliton, kio malfaciligis la elektadon. Jen la rezultoj:
| Nomo | Poentoj |
|---|---|
| Martina Lori | 73 |
| Aila Duo | 64 |
| Forefingers Up! | 56 |
| Adnoz | 53 |
| Bruno Rumier | 51 |
| The Paintbox | 40 |
| Maria Sadova | 36 |
| Banda Gaitas El Trasno | 36 |
| Willie Campbell | 30 |
| Bandalheira | 21 |
Ĉi-jare anstataŭ la Premio de la Publiko, la muzikistoj mem voĉdonis por la plej bona prezentado. La Premio de la Muzikistoj estis gajnata de Aila Duo (Heli Aikio kaj Jessika Lampi) el Finnlando, kiuj kantas en la Inaria Samea lingvo, lingvo parolata de malpli ol 400 personoj.
Fontoj
- (asturia) Redacción «La sudtirolesa Martina Iori gana'l X Liet International» – Asturies.com, 12-12-14 (arkivita [ ])
- (en) «And the winner is…» – Liet International, 16-12-14 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |