Mortis Nicholas Winton
Merkredo, la 1-a de julio 2015
|
 |
|
|
En la aĝo de 106 jaroj hodiaŭ matene mortis Siro Nicholas Winton, savanto de 669 judaj infanoj el iama Ĉeĥoslovakio tuj antaŭ la dua mondmilito. Dum lastaj momentoj de lia vivo ĉeestis lin lia filino Barbara kun genepoj.
Dum 1930-aj jaroj Nicholas Winton laboris por pluraj bankoj. Dum lia laborado li vivis en Londono, Hamburgo, Berlino, Parizo kaj en la jaro 1939 ankaŭ en Prago. Tie lia amiko Martin Blake petis lin helpi kun transportado de homoj polataj de naziisma reĝimo al Unuiĝinta Reĝlando. Pro tio Winton prizorgis organizadon de adoptoj kaj transportoj de judaj infanoj, por kiuj li devis trovi adoptan familion, permesilon por eniri en Unuiĝintan Reĝlandon kaj fervojbileton. La unua trajno foriris el Prago je la 14-a de marto 1939, la lasta trajno ekvojaĝanta je la 1-a de septembro 1939 estis reigita fare de naziistoj.
Dum la dua mondmilito li administrative laboris por Royal Air Force (RAF) en Britio. Post la mondmilito li laboris por Internacia organizo de UN por fuĝintoj. En la 1950-aj jaroj li ekloĝis en urbeto Maidenhead, kie li lastfoje menciis la savon kadre de lia kandidatiĝo en urban reprezentataron.
Historio pri savo de la infanoj estis elkovrita en 1980-aj jaroj kiam lia edzino Grete, kiu en subtegmentejo trovis la dokumentojn el la jaro 1939. Al la publiko tio estis prezentita en programo de brita televido BBC That’s Life (Tia estas vivo) en 1988, kion ĉeestis ankaŭ la savitaj infanoj.
Por lia ago li ricevis plurajn honorigojn - en la jaro 1983 reĝino Elizabeto la 2-a donis al li Ordenon de la Brita Imperio kaj en la jaro 1998 Václav Havel donis al li Ordenon de T. G. Masaryk (la plej altan ŝtatan ordenon de Ĉeĥio). Winton ankaŭ estis en la jaroj 2008, 2011 kaj 2013 nomumita por Nobel-premio pri paco, sed li neniam ricevis ĝin.
Fontoj
(ĉeĥa) ČT24 «Vlak odjel naposled. Zemřel Nicholas Winton» – Ĉeĥa Televido, 2015-07-01 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |