Mortis kosmonaŭto Aleksej Leonov
Dimanĉo, la 13-a de oktobro 2019
|
 |
Foto: NASA
La 11-an de oktobro, 2019, la rusa kosmoesplora agentejo Roskosmos anoncis, ke la kosmonaŭto Aleksej Leonov mortis. Leonov famis pro tio, ke li estis la unua homo, kiu eliris la kosmoŝipon en kosmo, dum la sovetunia misio Vosĥod 2. Li havis 85 jarojn.
Leonov, alinome «kosmonaŭto numero 11», estis ano de la origina sovetunia kosmonaŭtaro. La 18-an de marto 1965, li plenumis la unuan homan eksterveturilan agadon (EVA-o) kaj estis ekster la kosmoveturilo dum pli ol dek du minutoj. Li estis premiita kiel la Heroo de Sovetunio. Dek jaroj poste li gvidis la sovetan parton de la misio Apollo–Sojuz, kiu iĝis la simbolo de la fino de la usona–sovetunia kosmokonkuro.
La usona kosmoagentejo NASA interrompis sian senperan elsendon de EVA-o de la Internacia Kosmostacio por kondolenci pri la morto de Leonov. NASA diris per Tvitero: "Lia risko en la vakuo de la kosmo komencis la historion de eksterveturila agado."
La rusa gazeto Sputnik raportis, ke Leonov, kiu mortis en Moskvo, estos enterigita en la Federacia Milita Memora Enterigejo la 15-an de oktobro. Li estis la lasta viva ano de la Voskhod-a kosmonaŭtaro.
Fontoj
Ĉi tio estas plena aŭ parta traduko de la artikolo Cosmonaut Alexei Leonov dies at age 85, el angla Vikinovaĵoj (publikigita laŭ la permesilo Atribuite 2.5 Ĝenerala de Creative Commons).
(angle) Jennifer Leman «Alexei Leonov, the First Man to Walk In Space, Has Died» – Popular Mechanics, 11.10.2019 (arkivita [ ]) (angle) «'The First Spacewalker': Soviet Cosmonaut Alexei Leonov Dies at 85» – Sputnik, 11.10.2019 (arkivita [ ]) (angle) Mark Brown «First picture drawn in space to appear in cosmonauts show in London» – The Guardian, 31.08.2015 (arkivita [ ])
|
Vi povas disvastigi ĉi-tiun artikolon per Interkonaj retejoj |
|
|
|
|
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |