Ekfunkciis rusinlingva Vikipedio
Merkredo, la 26-a de januaro 2011
Traduko de artikolo el la ruslingva Vikinovaĵoj de merkredo, la 26-a de januaro 2011. Tiu artikolo estas disponita laŭ la permesilo Creative Commons Attribution 2.5.
En la 23-a de januaro ekfunkciis ĉe propra retadreso Vikipedio en la rusina lingvo. Antaŭe tiu sekcio de Vikipedio ekzistis kiel testa projekto en Vikimedia Kovilo, projekto de Vikimedio destinita por testado de novaj lingvaj sekcioj kaj projektoj.
Lingva Komitato decidis favore al kreo de la projekto jam en oktobro de la jaro 2010-a. La 23-an de januaro 2011 la rusina Vikipedio aperis kiel memstara projekto ĉe la adreso http://rue.wikipedia.org. Nun en la sekcio jam estas kreitaj pli ol 1190 artikoloj.
Same kiel aliaj Vikipedioj, la rusina celas kreon kaj evoluigon de kompletaj kaj altkvalitaj artikoloj pri diverstemaj menciindaj aferoj. Oni invitas ĉiujn, kiuj parolas la rusinan lingvon, verki novajn artikolojn aŭ alimaniere subteni la projekton.
La rusina lingvo apartenas al la orientslava lingvaro. Ĝin parolas pli ol 600 mil homoj, precipe en okcidenta Ukrainio, Pollando, orienta Slovakio, Hungario kaj Rumanio.
Fontoj
(ruse) [[AlexeY BeHoLDeR ka]] «Создана русинская Википедия» – Русские Викиновости, 26 (arkivita [ ])
- «Requests for new languages/Wikipedia Rusyn». Meta-Vikio, la 26-a de januaro 2011
|
Vi povas disvastigi ĉi-tiun artikolon per Interkonaj retejoj |
|
|
|
|
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |