Fajrovulpo 4b3
Ĵaŭdo, la 12-a de aŭgusto 2010
|
 |
|
|
Merkrede Mozilo eldonis la trian beta-version de Fajrovulpo 4.
La plej gravaj estas nomataj la jenaj novaĵoj:
- 34 diverslingvaj kunmetaĵoj, kontraŭ 24 de la antaŭa beta-eldono (Esperanto ankoraŭ ne enestas).
- Nova metodo de valorprezento, por plia rapideco de plenumo de kalkulplenaj perJavaSkriptaj operacioj.
- Eksperimenta kaj sennorma prilaborado de plurfingraj tuŝeventoj (nur en Vindozo 7).
En la interfaco ŝanĝiĝis jeno:
- Interfacaj elementoj en kelkaj menuoj kaj agordejoj estis reordigitaj favore al malfermado de novaj folioj, anstataŭ novaj fenestroj.[1]
- La menuero "Fermi la ceterajn foliojn" ne plu fermas Aplikaĵajn foliojn.[2]
Kaj en la aspekto ŝanĝiĝis la jeno:
- GTKaj versioj nun uzas saget-bildojn de la sistema GTK anstataŭ siaj propraj.[3]
- La paĝosigna breto en Mac OS X nun havas bildetojn.[4]
- La Vindoza versio ricevis novajn bildetojn en la ĉefa etoso, kaj korekteton de aspekto de etosetoj.[5]
Ligilo al la plena listo de ŝanĝoj (en la angla) troveblas en la "Release Notes".
La beta-versio elŝuteblas tie: http://www.mozilla.com/eo/firefox/beta/.
Referencoj
Fontoj
- (angle) «Mozilla Firefox 4 Beta 3 Release Notes» – Mozilla Corporation, 2010-08-11
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |