Bicikle al Nord-Koreio
Merkredo, la 24-a de septembro 2014
|
 |
|
Pli pri Orienta Azio |
La urbo Tumeno en Ĉinio simpligis la procedurojn por vojaĝi al Korea Popoldemokratia Respubliko (Nord-Koreio). Interesatoj povas akiri paspermesojn en nur unu tago. Antaŭe oni bezonis du semajnojn por akiri paspermeson el landlimaj urboj en la provincoj Ĝilino kaj Liaŭningo por vojaĝi al Nord-Koreio.
Nun, kun pasporto kaj identiga karto, turistoj povas eniri la landon ene de 24 horoj. Ankaŭ aŭtomobila stirpermesilo estas postulata por aŭtovojaĝantoj. La servo estas disponebla nur per turismaj agentejoj por grupaj turistoj.
Komence de majo biciklista grupo el Ĉinio vizitis Nord-Koreion. La grupo de 35 ĉinaj vojaĝantoj ekiris el Tumeno kaj faris tri-horan bicikladon en la urbo Nanyo (france). Ili vizitis la lokan fervojan stacion kaj statuon de Kim Il-sung, kaj gustumis lokajn manĝaĵetojn sur la komerca strato en Nanyo.
Havenurbo
Bildo de Nanyo (Nord-Koreio) ekde Tumeno (Ĉinio).
Tumeno estas grava fervoja arterio por la orienta provinco Ĝilino, kun trajnoj destinitaj por Ĝilinurbo, kaj por la urboj Ĉangĉuno, Ŝenjango kaj Pekino. Ĝi estas ankaŭ la plej granda havenurbo en Ĝilino. La Tumen-rivera ponto (france), administrata de Ĉinio kaj Nord-Koreio, estas la limtransirejo.
La nombro de la ĉinaj turistoj al Nord-Koreio rapide kreskis lastatempe. La turista trajno inter Tumeno kaj Ĉilbo-Monto en Nord-Koreio estis denove malfermita fine de aprilo. La itinero funkciis dum unu jaro en 2012 kaj estis suspendita por renovigo.
Nun trajno veturas unu fojon semajne dum turismaj sezonoj. La vojaĝo daŭras tri tagojn kaj kvar noktojn kaj kostas 19 000 juanojn (310 usonajn dolarojn).
Agentejo
Laŭ Zhang Weidong, kiu administras la turisman agentejon respondecan pri la trajno, en 2012 pli ol 2000 ĉinaj turistoj vizitis Nord-Koreion, kaj tiu nombro kreskos verŝajne ĝis 7000 en la kuranta jaro.
Krome You Zejun, la direktoro de la turisma buroo de Dandongo, prognozis: „En junio ĉinoj povos aŭte vojaĝi al Nord-Koreio tra Dandongo, havenurbo en Liaŭningo.”
Aldonis fotografisto de pekina vojaĝagentejo: „Nord-Koreio estas mistera celloko por multaj vojaĝantoj. Simpligo de la proceduroj por paspermeso kaj pli da transportaj elektoj certe altiros pli da homoj. Estus bonege, se la lando malfermus sian pordon al individuaj vojaĝantoj.” Homoj ricevas la permeson vojaĝi 70 kilometrojn malproksime de Hunĉuno (france), ekde la jaro 2011, kaj la distanco povos esti longigita ĝis 200 kilometroj malproksime de Dandongo por aŭtostiristoj.
Tamen, ĉiuj itineroj estos strikte monitorataj kaj aprobitaj de lokaj aŭtoritatoj, kaj vojaĝo tra la tuta lando estas verŝajne nepermesebla.
Rimarkoj
Ĉirkaŭ la haveno de Tumeno (Janbiano) disvolviĝas projekto (Greater Tumen Initiative, Grand-Tumena Iniciativo) por plibonigi la komercon inter Rusio, Ĉinio, Mongolio, Nord-Koreio, Sud-Koreio kaj Japanio. Vidu en la franca vikipedio :
Fontoj
(Esperanto) Alice LIU «Bicikle al Nord-Koreio» – [[Monato]], 29-06-2014 (arkivita [ ]) [[Kategorio:Artikoloj kun informo de Monato]]
|
Vi povas disvastigi ĉi-tiun artikolon per Interkonaj retejoj |
|
|
|
|
| Ĉi tiu artikolo estas pli ol sep tagojn malnova. Ĝi estas arĥivita kaj ne povas esti redaktata plu. Artikoloj en la arĥivo de Vikinovaĵoj spegulas la specifan momenton de sia publikiĝo, kaj ne celas inkluzivi pli novan informon nek eventojn poste okazintajn. Arĥivitaj artikoloj povas esti redaktitaj nur okaze de etaj eraroj nerilataj al la enhavo (ekz. misa ortografio aŭ interpunkcio). Por peti korekton, bonvole lasu mesaĝon sur la diskutpaĝo. |